Літаратурна-музычная гасцёўня «Пачынаецца ўсё з любві…», прысвечаная 75-годдзю з дня нараджэння Яўгеніі Янішчыц, адбылася ў Парэцкай базавай школе.
Яўгенія Іосіфаўна Янішчыц нарадзілася ў вёсцы Рудка на Піншчыне 20 лістапада 1948 года. Праз некалькі год бацькі пераехалі жыць ў Велясніцу.
Паэзія Яўгеніі Янішчыц набывае ўсё большую вагу і грамадскую значнасць. Яе імя носіць адна з вуліц Пінска і вёскі Парэчча, Парэцкая базавая школа, дзе вучылася Яўгенія Янішчыц і дзе працуе музей.
Таксама імя славутай зямлячкі з гонарам носіць Пінская цэнтральная раённая бібліятэка.
На свята завітала шмат гасцей. Адна з іх — пляменніца Таццяна Ганчарык, заснавальнік, першы кіраўнік музея Я. Янішчыц — Антаніна Сідарук, удзельнікі клуба літаратараў Піншчыны «Пінчукі», настаўнікі беларускай мовы і літаратуры, а таксама прыхільнікі творчасці паэтэсы.
На мерапрыемстве прагучалі песні на вершы Я.Янішчыц і прадэманстравалі тэатральныя пастаноўкі на яе твораў, падрыхтаваныя супрацоўнікамі Парэцкай БШ.
