Аб праблемах экалогіі і прафесіях, якія звязаны з работай на зямлі, ішла размова падчас конкурса “Разам за будучыню планеты”. Конкурс праходзіў у рамках фестываля “Вясёлкавы калейдаскоп” у Бабрыкоўскай сярэдняй школе Пінскага раёна.
Як прайшло мерапрыемства чытачам партала pinsknews.by расказала педагог-арганізатар Бабрыкоўскай СШ Галiна Завадская. Яна адзначыла, што на суд журы вучні з першага па дзясяты клас прадставiлi творчыя работы ў намінацыях:
- “Школьная газета “#АграКЛАСнаяГазета”,
- відэаролік “Гэта мой выбар!”,
- друкаваная іміджэвая рэклама “Я — будучы аграрый!”,
- “Фларыстычны тэатр”,
- альманах “Наш шлях у аграМІР!”.
Максімальную колькасць балаў за творчае прадстаўленне атрымалі вучні 2, 3, 9 класаў.
«Такім чынам, праз конкурсныя работы школьнікi мелі магчымасць выказаць сваё меркаванне і стаўленне да аграсвету і прафесій аграпрамысловага комплексу», – падкрэслiла Галiна Завадская.